O Leboreiro, en Melide, acollerá o día 12 de xullo un encontro de profesionais pola defensa do territorio

Ecos da Comarca/Melide

O vindeiro sábado 12 de xullo terá lugar no Leboreiro (Melide) un encontro de profesionais pola defensa do territorio. A xornada incluirá un concentración, unha andaina polo Camiño de Santiago, a lectura dun manifesto e un xantar popular. O evento será conducido polo actor, director, adaptador teatral e narrador galego Quico Cadaval.

Publicidade

Preme na imaxe para obter máis información do evento.

"Hai uns meses un grupo de arquitectas e arquitectos iniciamos un traballo de reflexión

sobre o modelo de desenvolvemento territorial do noso país e o dano que provocaría

no noso territorio a implantación dunha industria como a proposta na comarca da

Ulloa. A raíz das reflexións iniciais abrimos o proceso a outros colectivos profesionais,

docentes e investigadores que tamén traballan no estudo, ordenación, coidado,

salvaguarda e protección do territorio e elaboramos un “Manifesto pola Defensa do

Territorio” que presentaremoslle á veciñanza das terras da Ulloa, da ría de Arousa e

da ría de Pontevedra o sábado 12 de xullo", explican.

Publicidade

Preme na imaxe se queres contactar connosco.

"Para ese día, convocamos un roteiro por un tramo do Camiño de Santiago ata o lugar

de Leboreiro no concello de Melide e un encontro nese lugar emblemático, con todos

os colectivos que están loitando en Defensa da Ulloa, do río Ulla, da ría de Arousa,

da ría de Pontevedra e do noso territorio en xeral", engaden.