O incendio que afecta á parroquia palense de Ramil xa arrasou unhas 20 hectáreas
- ecosdacomarca
- 17 jul 2022
- 2 Min. de lectura
Ecos da Comarca/Palas de Rei
Despois do mediodía ECOS DA COMARCA informabamos dun incendio forestal que afectaba a zona das torrentes de Mácara. Segundo os datos proporcionados pola Consellería de Medio Rural segue activo (ás 20:00 horas) e xa afectou unhas 20 hectáreas.
O lume que afecta á parroquia palense de Ramil comenzou, segundo Medio Rural, ás 13:13 horas. Na zona traballan cinco axentes, 11 brigadas, sete motobombas, dous avións e outros dous helicópteros, ademais de efectivos de Protección Civil do municipio.
Pola súa banda, o Concello fala de varios incendios desatados ao longo desta xornada no municipio de Palas de Rei. Concretamente, os lumes afectan tamén ás parroquias de Pambre, Mácara, Pidre,... O alcalde palense, Pablo Taboada, que dende primeira hora está pendente da súa evolución, destacaba a intencionalidade dos mesmos. “Todos foron provocados nunha xornada de actividade incendiaria desmesurada que unido ás altas temperaturas e temendo incluso, nalgunhas zonas por vivendas de núcleos pertencentes a ditas parroquias".
IMPORTANTE:
A Consellería do Medio Rural vén de solicitar, tal e como informou uns minutos despois das 23:00 horas, como medida preventiva a Situación 2 no incendio forestal activo arestora no concello De Palas de Rei, parroquia de Ramil, pola proximidade do lume aos núcleos de Pambre e Chorexe.
O Concello de Palas de Rei como medida de precaución está, nestes momentos, a habilitar espazos por se fose necesario desaloxar habitantes dalgún dos núcleos amenazados polo lume. Dende Protección Civil de Palas, destacan que as lapas de lume están sendo especialmente virulentas na zona de Pambre, Cabana e no lugar de Chorexe, así como, en Frádegas en Antas de Ulla.
Lume en Antas de Ulla
Por desgraza, tamén segue activo outro lume no municipio de Antas de Ulla. Toda a información deste no enlace:
Comentarios