O Concello de Rodeiro celebra en novembro unha nova edición do «Rodeiro de Tapas»
Contará coa participación de oito establecementos hostaleiros
Laura Moure/Rodeiro
O Concello de Rodeiro pon en marcha unha nova edición do Rodeiro de Tapas, unha proposta gastronómica que volve en novembro baixo o lema «Sabor de Outono», coa finalidade de dinamizar a hostalaría local, promover a gastronomía e poñer en valor os produtos propios desta época do ano.
A iniciativa está impulsada pola concelleira de Cultura, Xulia Dacal, e polo tenente de alcalde, Alberte Lamazares, no marco das accións municipais destinadas á promoción turística, á dinamización económica e ao apoio ao tecido hostaleiro do municipio.
O roteiro desenvolverase durante dúas fins de semana, concretamente os días 13, 14, 15, 20, 21 e 22 de novembro, e contará coa participación de oito establecementos hostaleiros de Rodeiro:
PUBLICIDADE
Bruxas e Coruxas.
Casa Achacán.
Casa Sánchez.
Café Pub Gallaecia.
Mesón A Roda.
Bar Centro.
Gastrobar Desito.
Restaurante A Latiza.
Baixo o concepto «Sabor de Outono», esta edición quere destacar os sabores propios da tempada e incentivar a creatividade dos profesionais da hostalaría, convertendo a gastronomía nun atractivo máis para achegarse a Rodeiro e coñecer a súa oferta local.
Desde o Concello quérese destacar a importancia de iniciativas deste tipo para apoiar os negocios hostaleiros, favorecer o consumo no municipio e xerar actividade social e económica. A colaboración entre a administración local e o sector da hostalaría resulta fundamental para seguir impulsando propostas que contribúan á promoción de Rodeiro.
PUBLICIDADE
O Concello agradece a implicación dos oito establecementos participantes e anima á veciñanza e ás persoas visitantes de toda a comarca a participar nesta nova edición, percorrendo os locais e descubrindo as diferentes propostas gastronómicas preparadas para a ocasión.
Rodeiro convida a saborear o outono e a descubrir o mellor da súa hostalaría.
Comentarios