O Concello de Palas mantén a recollida e eliminación de plásticos agrícolas gratis paras as granxas

O Concello de Palas de Rei, dentro dos Programas de reciclaxe e valorización de residuos, manterá de forma gratuíta para todas as explotacións gandeiras asentadas no municipio a recollida dos plásticos agrícolas, así como tamén, o proceso de eliminación dos mesmos durante este ano 2021. Esta medida, supón un aforro medio de 230 euros por explotación durante o presente ano, que deberían aboar os responsables da explotación, en caso de non asumir o Concello o citado proceso de recollida e eliminación dos plásticos que xeran a consecuencia da actividade agraria.