O Concello de Palas dota ao polígono dun parque infantil en colaboración con Jim Sports

Ecos da Comarca/Palas de Rei

Palas de Rei conta cun novo parque infantil. Trátase dunha nova instalación posta en marcha recentemente no polígono empresarial de Palas de Rei froito da colaboración entre o Concello de Palas de Rei e o Grupo Jim Sports.

O Concello tamén está a traballar na construción dun parque infantil cuberto xunto ao pavillón do colexio da localidade o que supón unha inversión de máis de 100.000 euros. Estas obras encóntranse na última fase de execución e o alcalde palense agarda rematalas antes de que finalice este ano.