O Concello de Melide abre hoxe o prazo para solicitar as axudas a prol da natalidade
- Laura Moure
- hace 16 minutos
- 2 min de lectura
Poderán beneficiarse os pais e nais empadroados en Melide con fillos ou fillas nacidos ou adoptados entre o 1 de novembro de 2025 e o 31 de outubro de 2026
Laura Moure/Melide
O Concello de Melide hoxe, 1 de setembro, o prazo para solicitar as axudas a prol da natalidade correspondentes ao ano 2026. As bases reguladoras da convocatoria publicáronse onte no Boletín Oficial da Provincia da Coruña e establecen como data límite para a presentación de solicitudes o 16 de novembro.
A convocatoria está dirixida aos pais e nais empadroados en Melide con fillos ou fillas nacidos ou adoptados entre o 1 de novembro de 2025 e o 31 de outubro de 2026. Para
acceder ás achegas, os pais, ou polo menos un deles, deberán estar empadroados no
Concello de Melide cunha antelación mínima de seis meses á data do parto ou adopción.
Os nenos e nenas deberán, pola súa banda, estar inscritos no padrón municipal.
O Concello destina un total de 15.000 euros a esta convocatoria, que contempla achegas de ata 300 euros por cada fillo ou filla nacido ou adoptado no período establecido. Na
convocatoria do pasado ano, o Concello de Melide concedeu 37 axudas a prol da
natalidade, atendendo todas as solicitudes presentadas que cumprían os requisitos
establecidos nas bases.
PUBLICIDADE
A través desta iniciativa, o Concello busca establecer medidas complementarias de apoio ás unidades familiares de Melide mediante mecanismos que contribúan a fixar poboación
e evitar o despoboamento.
Requisitos e presentación de solicitudes
As bases establecen tamén que a persoa solicitante deberá comprometerse a continuar empadroada no Concello, xunto co seu fillo ou filla, durante un período de catro anos
desde o nacemento ou adopción. O empadroamento deberá supoñer a residencia
efectiva, polo que deberán vivir habitualmente en calquera das parroquias do Concello de
Melide.
As solicitudes deberán cubrirse no modelo normalizado incluído como Anexo I nas bases,
asinarse e presentarse no Rexistro Xeral do Concello de Melide. Deberán acompañarse
da documentación requirida, entre a que se inclúe a fotocopia compulsada do libro de
familia e do DNI da persoa solicitante; a copia do auto xudicial no caso de adopción; a
declaración xurada das axudas solicitadas ou recibidas coa mesma finalidade; os
compromisos de empadroamento e de devolución da axuda no caso de incumprimento
dos requisitos; a certificación dos datos bancarios e os certificados de estar ao corrente
das obrigas tributarias coa Administración estatal e autonómica e coa Seguridade Social.
PUBLICIDADE
As achegas son compatibles con outras axudas coa mesma finalidade que poidan obterse
doutros organismos públicos.
As bases completas da convocatoria e o Anexo I para presentar a solicitude poden
consultarse e descargarse no Boletín Oficial da Provincia da Coruña:
Comentarios