Durante este mes os distintos profesionais de emerxencia están visitando o centro educativo para fallarlles do seu labor, tal e como informa a ANPA
Laura Moure/Palas de Rei
É primordial ensinarlle aos cativos accións importantes da vida que lles axude no seu día a día e que incluso, lles sirva nun futuro para salvar vidas. E isto é algo que se está facendo no centro educativo de Palas de Rei, tal e como nos informa a Asociación de Nais e Pais (ANPA). "Estamos facendo no colexio o mes de emerxencia", cóntanos este colectivo.

Pero... en que consiste esta iniciativa? Pois é unha actividade moi interesante para os cativos e que ademais é moi importante que todos, grandes e pequenos, coñezamos e lle deamos valor ao labor que fan os distintos grupos de emerxencia que nos axudan cando estamos en apuros e cando suceden traxedias.
O venres pasado, tal e como nos relata a ANPA, desprazaráronse a este centro educativo os Bombeiros de Chantada e Lugo. "Fixeron un simulacro e o alumnado realizou as preguntas que quixo e logo ensináronlles as distintas funcións dos camións", apunta Muriel Méndez, a presidenta da ANPA.
Mentres, onte, xoves, foi a quenda do Exército de Terra do CMT de Parga. Estes profesionais conectaron cos máis pequenos da casa e contáronlles en que consiste e o seu traballo.
"O venres que vén agardamos ás ambulancias da Cruz Vermella e para o último venres dispoñeremos de distintos efectivos da Gardia Civil, da Policía Nacional e da Policía Local", adianta a presidenta da ANPA.
Así que os máis cativos están tendo a sorte de ver de cerquiña aos nosos heroes de carne e óso.
Commentaires