Máis de 200 persoas participan no Desfile de Entroido do Pino, seguido por numeroso público

A Charanga NBA abriu o desfile dunha festa que rematou coa actuación da orquestra Trébol

Laura Moure/O Pino

O primeiro desfile de Entroido organizado polo Concello do Pino foi todo un éxito. Máis de 200 persoas participaron no XXVI Concurso de disfraces e percorreron as rúas do pobo nun desfile que foi seguido por numeroso público e celebrado este domingo de Piñata tras ser aprazado a semana anterior polo mal tempo.

A Charanga NBA abriu a comitiva entroideira, que saíu das inmediacións do colexio e, pola

rúa do Concello, se achegou ata a casa consistorial, aplaudido por numeroso público que aplaudiu a orixinalidade dalgúns dos disfraces.

 Publicidade

Preme para obter máis información.

Un grelo namorado co seu ramo de rosa, a deusa da noite, as dúas Marías, a cesteira, o cigardelo, os policías, o rato Pérez co seu dente, a música andante, os vikingos do Tambre

ou As craiolas que molan, ou a Arca de Boqueixón foron algúns dos disfraces que percorreron as rúas dos Pino. Pechaba o percorrido a comparsa A maxia de Cerdeiriñas, da Asociación Culutural Garatuzas, de Piloño, na que participaban máis de 40 persoas

chegadas dende Vila de Cruces.

Tras rematar o desfile, as máis de 200 persoas participantes no desfile fixeron unha pequena actuación na praza de Forcarei para que o xurado puidese facer a correspondente avaliación para establecer os premios.

 Publicidade/DOAZÓN PARA ECOS DA COMARCA

Fai unha doazón para axudar ao xornalistmo independente. Gracias!

Os gañadores nas diferentes categorías no Concurso de disfraces do Pino foron:

• Infantil: A deusa das ás da noite e O grelo namorado.

• Individual: A cesteira.

• Parella: Ó fin nos independizamos.

• Grupo: As pitas de Vilachá, toda unha vida confinada.

• Carroza: O tren turístico de Bama.

• Comparsa: Inserso de cuarto da ESO

• Máis orixinal: A maxia de Cerdeiriñas.

A festa rematou co concerto da orquestra Trébol.