Monterroso, Palas e Portomarín planifican un obradoiro de emprego

Está previsto para o segundo trimestre do ano

Ecos da Comarca/A Ulloa

Os Concellos de Portomarín, Monterroso e Palas de Rei planifican comenzar o Obradoiro de Emprego Miño/Ulla para o segundo trimestre deste ano.

 Publicidade/DOAZÓN PARA ECOS DA COMARCA

Os tres concellos uniron sinerxías esta vez para acadar fondos, 440.000 euros, en materia de emprego o que se agarda que redunde positivamente no texido económico dos tres municipios que comparten a mesma Ruta Xacobea a Santiago (Camiño Francés).

 Publicidade

Preme na imaxe para obter máis información.

Este Obradoiro de Emprego trátase dunha iniciativa mixta de formación e emprego, que proporcionan a persoas desempregadas un contrato de traballo e experiencia laboral en oficios con demanda no mercado de traballo, ao tempo que executan obras e realizan proxectos que quedan para a veciñanza.