Melide contará cunha proba ciclista MTB de alto nivel o Desafío Cerne que terá lugar o 16 de abril

Xa hai 250 inscritos e os interesados poden abotarse ata o día 14

Laura Moure/Melide

O alcalde de Melide, José Manuel Penas, e o concelleiro de deportes, José Prado, acompañaron na tarde de onte os organizadores da proba Desafío Cerne na súa presentación. Trátase dunha proba de Mountain Bike con saída e chegada no Cantón de San Roque de Melide e que discorrerá polos montes do Bocelo, punto máis alto da provincia de A Coruña, así como por outros cumios da serra do Careón, nos concellos veciños de Toques e Palas de Rei. Terá lugar o 16 de abril.

A proba presenta dúas distancias, unha de 35 quilómetros cun desnivel positivo acumulado de 805 metros e unha máis esixente de 63 quilómetros, cun desnivel positivo de 1.840 metros.

Preme na imaxe para acceder á web desta empresa.

A proba conta na actualidade con 250 inscritos, cunha participación de alto nivel entre os que destacan Gustavo César Veloso, gañador de etapas na Vuelta a España, Javi Busto, campión de europa na categoría XCM, Susana Alonso, campiona de españa e catro veces mundialista, Manuel Parada, campión da copa de españa XCO, entre outros.

Preme na imaxe se queres contactar connosco!

As inscricións están abertas na plataforma web GaliTiming ata o vindeiro 14 de abril. Toda a información e o enlace para anotarse na seguinte ligazón: https://inscripciones.galitiming.com/inscripcion/desafio-cerne-os-dous-caminos/?&lang=es