Medio Rural analiza co concello de Palas as obras que mellorarán as infraestruturas rurais do municipio

A directora xeral da Axencia Galega de Desenvolvemento Rural reuniuse co alcalde desta localidade, beneficiaria das achegas do Plan Camiña Rural

Ecos da Comarca/Palas de Rei

A directora xeral da Axencia Galega de Desenvolvemento Rural, Paz Rodríguez, reuniuse onte co alcalde do concello de Palas de Rei, Pablo Taboada. A xuntanza serviu para analizar as obras que se van acometer e que van permitir mellorar as infraestruturas rurais do municipio. Paz Rodríguez sinalou que estas actuacións repercutirán positivamente no día a día da veciñanza e que supoñen un paso máis na aposta decidida da Consellería do Medio Rural cos concellos do rural.

Publicidade

Preme na imaxe para obter máis información do evento.

Nesta liña, a directora xeral lembrou que hoxe se publica no Diario Oficial de Galicia a resolución do Plan Camiña Rural, que permitirá executar, durante os anos 2025 e 2026 un total de 626 actuacións en preto de 513 quilómetros de vías municipais en 299 localidades.

Publicidade

Preme na imaxe se queres contactar connosco.

A localidade de Palas de Rei é beneficiaria destas achegas, coas que recibiu un orzamento total de 93.539 euros para levar a cabo este tipo de actuacións. A través deste investimento poderán ampliar camiños para mellorar a seguridade viaria, reforzar o firme existente, adecuar os pasos fluviais e manter as marxes. Estas melloras resultan fundamentais para facilitar a accesibilidade no medio rural, vertebrar o territorio e contribuír á fixación de poboación, reforzando así as condicións de vida e traballo nestas zonas.