Grande Amore, primeiro artista confirmado no Festival do Queixo de Arzúa 2024

Actuará o sábado 2 de marzo na primeira xornada do evento, dentro da 49ª Festa do Queixo

Laura Moure/Arzúa

Grande Amore é o primeiro artista confirmado no Festival do queixo 2024 de Arzúa. Actuará o sábado 2 de marzo na primeira xornada do evento, dentro da 49ª Festa do Queixo. A entrada será de balde ata completar aforo e baixo carpa, como é habitual desde os últimos anos no festival de Arzúa.

Grande Amore, premio Martín Códax 2022, é un dos motores que está a revolucionar a música galega nos últimos anos, rompendo esquemas e vellos prexuízos estilísticos e lingüísticos. Agora presenta o seu esperado segundo álbum, "II", en varias localidades do país. A que soa "II"? "E ou seu disco máis cru, máis directo, máis duro. Rock industrial, punk, black metal... ".

Publicidade

Preme na imaxe para obter máis información!

A Grande Amore gústalles o rock & roll, os sintetizadores, as caixas de ritmos e as guitarras. Con todo iso, fan música rápida e chea de graves, como a vida mesma.

Tamén gritan, súan e bailan e, a maioría de veces, pásano en grande.

A súa alma é Nuno Pico é un mozo de Burela que leva tocando desde os 16 anos. A que soa? Basicamente, a Nuno. Ás súas preocupacións e paranoias. “Teño certa facilidade para contar as cousas que me pasan e as cousas que sinto e penso nas letras das cancións”, explica el. “Fóra das letras, tampouco llas conto a ninguén, sinceramente".

Publicidade

Preme na imaxe para obter máis información.

Tras o alias de Grande Amore, Nuno mestura as súas influencias máis primitivas do rock and roll e punk co techno e electropop logrando un son particular entre o festeiro e macarra cun toque humorístico e á vez existencialista que é capaz tanto de facerte bailar un fin de de madrugada como de reflexionar nas túas catro paredes.

Sacou dous álbums de estudo titulados 'Grande Amore' (Ernie, 2021) e 'II' (Ernie, 2023) ademais de varios singles e colaboracións con outros artistas como Ortiga, Mundo Prestixio, Carlangas (Novidades Carminha) ou The Rapants.

Publicidade

Preme na imaxe se quere contactar connosco.

"A orixinalidade da proposta de Nuno, Clara Redondo e mariagrep permitiulles empezar a transcender as fronteiras de Galicia." Nove semanas entre a lista da revista Mondo Sonoro, que o elixe entre os dez mellores discos publicados en España. Quinto entre os álbums estatais máis recomendables do 2023 segundo Muzikalia. E entre os 50 elixidos por Rockdelux. “II”, o seu segundo traballo conquistou de novo ao xornalismo especializado en música alternativa.

Por outra banda, a cita gastronómica e musical ten aberto ata o 15 de xaneiro o prazo para inscribirse concurso Queixo Maquetón para grupos noveis, que vai pola 15ª edición, e que determinará a formación que abra o evento. A organización ten previsto anunciar nas próximas semanas un avance dos artistas que formarán parte do festival do queixo, as noites do sábado e domingo.