top of page

Finaliza o episodio de vento e chuvia cun total de 456 incidencias

Palas de Rei foi un dos concellos que sumou máis intervencións


Ecos da Comarca/Xeral

Acaba o episodio de vento e chuvia e Galicia cun total de 456 incidencias tal e como informa o 112 Galicia. A maior parte das intervencións estiveron motivadas pola caída de árbores, asolagamentos en estradas e rúas e accións dos equipos de emerxencias para evitar riscos derivados da situación climática.


Publicidade

No día de onte, o 112 Galicia contabilizou un total de 456 incidencias relacionadas cos fenómenos meteorolóxicos adversos de nivel laranxa no mar e avisos amarelos en terra por chuvia e vento. O maior número das intervencións realizáronse na provincia de Pontevedra (183), seguida da Coruña (176), Lugo (63), e Ourense (34).


Publicidade

Os concellos que sumaron máis intervencións foron, en Pontevedra, Vigo, Pontevedra, Nigrán, Soutomaior; na Coruña, Santiago de Compostela, A Coruña, Ponteceso, Boiro, Ribeira; en Lugo, Palas de Rei, Foz; e en Ourense, a mesma capital.


Como indicamos, a maior parte das chamadas que se recibiron no 112 Galicia, e que implicaron a mobilización de recursos, estiveron relacioanadas coa caída de árbores (184), asolagamentos en estras e rúas (85), asolagamentos en baixos e garaxes (17) e en vivendas (14). Tamén destacaron algunhas accións dos equipos de emerxencias para evitar riscos (54), e atendemos cinco chamadas por embarcacións que se soltaron do amarre sen máis consecuencias.


Publicidade

As incidencias máis destacadas poden consultarse en Boletíns anteriores.

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page