Evacuados os pasaxeiros dun tren ao que lle ardeu un dos motores

Ecos da Comarca/Melide

As 21 persoas que viaxaban nel resultaron ilesas e foron trasladadas ata A Coruña, o seu destino final, en taxi.

Foto de Arquivo.

Contra as 23:40 horas do domingo, ADIF solicitou medios de extinción ao 112 Galicia debido a un tren ao que lle saía fume da parte baixa dun dos seus tres vagóns. Estaba parado na propia estación de Culleredo e, nese momento, todos os pasaxeiros estaban xa no exterior en perfecto estado.

 Publicidade

Preme na imaxe para obter máis información.

Foron o maquinista e outra persoa que se atopaba no lugar os que apagaron as lapas cun extintor, mentres que os Bombeiros de Arteixo fixeron as comprobacións correspondentes á súa chegada.

Publicidade

Preme para contactar con nós e pregunta polas tarifas que son unha bicoca!

No operativo tamén participaron a Garda Civil e a Policía Local de Culleredo.