Envorca un autobús escolar

Ecos da Comarca/Xeral

Un autobús escolar envorcou esta mañá na estrada EP-2703, ao seu paso pola parroquia de Padróns, en Ponteareas, sen que ningunha das persoas que viaxaban nel resultase ferida, tal e como informa o 112 Galicia.

O 112 Galicia recibiu o aviso ás 8:05 horas a través dun particular que alertaba de que o vehículo quedara envorcado na cuneta. Debido á súa posición, as portas quedaran inservibles e os ocupantes non podían abandonar o autobús polos accesos habituais.

 PUBLICIDADE

Preme na imaxe para obter máis información do evento.

Por este motivo, desde a sala de operacións solicitouse a intervención dos Bombeiros de Ponteareas, que procederon a evacuar, a través do teito, a seis rapaces de entre 13 e 15 anos e á condutora.

PUBLICIDADE

Preme na imaxe se queres contactar connosco.

A pesar do aparatoso do sinistro, todos eles atopábanse en bo estado e non precisaron asistencia sanitaria.

Ademais, informouse da situación á Garda Civil de Tráfico e á Policía Local de Ponteareas.