Dúas persoas evacuadas tras orixinarse un incendio nun sofá eléctrico

Ecos da Comarca/Boimorto

Un incendio deixa dúas persoas trasladadas na Estrada. As dúas foron evacuadas por inhalación de fume, tal e como informa o 112 Galicia.

Foto de arquivo.

O primeiro aviso que se recibiu no 112 Galicia por mor deste incendio tivo lugar pouco despois das 13:00 horas. Segundo indicou o alertador, comezara a arder un sofá eléctrico nunha casa na Veiga da Braña, na parroquia de Rubín.

 PUBLICIDADE

Preme na imaxe para obter máis información do evento.

Con esta información, os xestores do 112 Galicia solicitaron a intervención do GES da Estrada, da Garda Civil e da Policía Local.

PUBLICIDADE

Preme na imaxe se queres contactar connosco.

Logo de que o lume fose sufocado, os servizos de emerxencias indicaron que chegaran a arder dous sofás e que o teito quedara afectado polo fume. Ademais, foi preciso informar ao Servizo de Urxencias Sanitarias de Galicia-061, pois dúas persoas inhalaran fume logo de sufrir este incendio. Ambas foron trasladadas.