Craega celebrou un novo pleno nas instalacións de Alibós, en Monterroso
Ecos da Comarca/Monterroso
O Consello Regulador da Agricultura Ecolóxica de Galicia (Craega) celebrou onte un pleno ordinario de fin de trimestre nas instalacións de Alibós, en Monterroso. O acto estivo encabezado polo presidente do Craega, Francisco López Valladares.
Unha vez finalizada a reunión, as persoas asistentes realizaron unha visita polas instalacións de Alibós, empresa certificada polo Craega con máis de cincuenta anos de
historia e considerada na actualidade unha das maiores produtoras mundiais de
castaña pelada e conxelada.
PUBLICIDADE
No encontro estivo presente o director da Axencia Galega da Calidade Alimentaria (Agacal), Martín Alemparte; o alcalde de Monterroso, Eloy Pérez; o propietario e CEO
de Alibós e presidente do Consello Regulador da IXP Castaña de Galicia, Jesús Quintá, e
a responsable de Produción e Calidade de Alibós e vicepresidenta do Craega, Rocío Freire.
PUBLICIDADE
Durante este percorrido, Alemparte sinalou o compromiso desta empresa pola calidade diferenciada, xa que a súa produción está amparada baixo a Indicación Xeográfica Protexida Castaña de Galicia e conta tamén coa certificación do Consello Regulador da Agricultura Ecolóxica de Galicia.
Comentarios