Cortada a estrada municipal que une Peibás e Velanxil en Antas

Ecos da Comarca/Antas de Ulla

O Concello de Antas de Ulla informa de que está cortada temporalmente ao tráfico da estrada municipal que une Peibás e Velanxil. "As intensas e persistentes choivas das últimas semanas provocaron a saída continua de auga no propio trazado da vía, o que está a ocasionar: Deterioro importante do firme, zonas encharcadas e lamacentas, perda de estabilidade da estrada e risco de que algún vehículo poida quedar atrapado", sinala o ente local.

 Publicidade

Preme na imaxe para obter máis información do evento.

Explica que a día de hoxe o treito afectado atópase intransitable en condicións de seguridade. "Xa se iniciaron os traballos de drenaxe e reparación, pero a auga que continúa manando e a persistencia das choivas están a dificultar o avance das obras . Ademais, o paso de vehículos empeora o estado do firme recentemente intervido".

 Publicidade/DOAZÓN PARA ECOS DA COMARCA

Fai unha doazón para axudar ao xornalistmo independente. Gracias!

Por todo iso, e co obxectivo de "garantir a seguridade de todas e todos, evitar incidencias

 e permitir que as obras se executen correctamente procédese ao corte temporal da estrada entre Peibás e Velanxil ata que melloren as condicións meteorolóxicas e se poidan rematar os traballos con todas as garantías". "Pedimos comprensión, prudencia e colaboración á veciñanza mentres duren estas actuacións. Seguiremos informando de calquera novidade. Moitas gracias pola vosa colaboración", recalca o Concello.