Ecos da Comarca/Silleda
O presidente de Contigo Silleda, Julio Ramos, valora positivamente que "ao fin o Executivo considerase que as nosas propostas son necesarias para mellorar os servizos nas parroquias e pasase de 600 mil euros de investimento a 1,2 millóns de euros, aínda así, rotundamente consideramos que non é suficiente diñeiro para compensar os desaxustes de investimento por parroquianos. Incrementaron máis viarios ao plan, para “embobarnos” cun incremento orzamentario en investimento. Dado que as actuacións que están a realizar, deberían complementarse en polo menos un 30% máis, para poder mellorar as necesidades que esixa cada zona. Mentres en15 anos de goberno recortan os investimentos a unhas parroquias, outras estanse beneficiando deses recortes".
E recalca que "cabe lembrar ao Executivo que, en materia de investimento en pistas e viais municipais, están a reducir considerablemente a plataforma de firme, non se aproveita a beiravía, nin se repoñen os servizos afectados polas obras, tampouco se están repoñendo ou mellorando a seguridade e sinalización en cada vial que se actúe, a desinformación e os recortes dificulta a circulación dos usuarios e do tráfico rodado”, incide Ramos.
Por todo isto, Contigo Silleda propón ao Goberno Local que active ao 100% as melloras presentadas no Consistorio para mellorar os servizos nos núcleos, tanto rurais, como urbanos. "O Consistorio dedícase a pedir esmola ás administracións públicas para Silleda", considera esta formación.
