Conclúe con éxito o rescate con helicóptero das 10 vacas que caeron por un barranco en Taboada

Ecos da Comarca/Xeral

O delegado territorial da Xunta, Javier Arias, seguiu hoxe en Taboada o operativo de rescate das xovencas que o pasado mércores se precipitaron por un barranco nunha zona de difícil acceso nas beiras do río Miño, na parroquia de San Xián de Ínsua; unha actuación que concluíu con éxito a primeira hora desta tarde, sobre as 16 horas.

Arias explicou que a Administración autonómica se puxo desde o primeiro momento a

disposición do Concello de Taboada e dos propietarios das xovencas para colaborar nas

tarefas de rescate, dada a complexidade do terreo.

O delegado estivo xa o xoves no terreo cun gruista para avaliar a posibilidade de retirar os

animais cunha grúa e, paralelamente, iniciáronse as xestións para solicitar o desprazamento dun helicóptero do servizo de emerxencias de Asturias, preparado para

soportar o peso das reses.

A aeronave chegou á zona este venres -no marco do convenio de colaboración que hai

asinado entre a Xunta de Galicia e o Principado de Asturias en materia de emerxencias- e

a súa participación resultou decisiva, ao permitir rescatar os dez animais que permanecían

na ladeira -un deles, sen vida-.

 PUBLICIDADE

Se queres obter máis información do evento preme na imaxe.

Ademais de coordinar a participación do helicóptero, o Goberno galego colaborou tamén

no operativo con efectivos da Axencia Galega de Emerxencias (Axega) -que despregaron

tamén un dron para guiar os traballos-, a Policía Autonómica e persoal do Servizo de

prevención e defensa contra incendios forestais e dos servizos veterinarios da Consellería

do Medio Rural. Xunto a eles participaron tamén efectivos do Concello de Taboada,

Protección Civil, Garda Civil e numerosos veciños da zona.

 PUBLICIDADE

Preme para obter máis información.

O delegado destacou a “excelente coordinación” entre todos os servizos implicados e a

colaboración da veciñanza, que permitiron resolver con éxito unha intervención

especialmente complexa. (Nas nosas redes sociais temos vídeo, porque ECOS DA COMARCA acercámonos hoxe ata alí e falamos cun dos propietarios, Santi Gómez, e con Luis Fidalgo, presidente da Agrupación de Voluntarios de Protección Civil de Taboada).

Cabe mencionar que 19 vacas desta explotación escaparon o mércores pola tarde dunha finca, apuntando todo, a que se asustaron pola presenza de algún animal. Sete delas conseguiron collelas ese mesmo día, pero 12 caeron polo desnivel. O xoves lograron rescatar a 2 e outra faleceu. E foi hoxe, grazas ao helicóptero cando o resto puido volver á súa granxa.