Circulaba en sentido contrario e cunha taxa de alcol superior á máxima legalmente establecida

Ecos da Comarca/Xeral

A Garda Civil investiga a un condutor como presunto autor de 2 delitos contra a seguridade viaria. Os feitos sucederon tras recibir ás 21:20 horas do venres día 6 un aviso do Centro de Emerxencias 112 Galicia, informando da presenza dun vehículo que circulaba en sentido contrario ao fluxo normal de circulación á altura do punto quilométrico 36 da autovía AG64 no termo municipal das Pontes de García Rodríguez; o turismo circulaba en sentido Ferrol utilizando os carrís reservados para a circulación sentido Vilalba, segundo a alerta telefónica realizada ao CIAE 112 por 2 usuarios desa vía.

Unha vez recibido o aviso, activouse de inmediato o protocolo establecido para vehículos que circulan en sentido contrario, adoptando as medidas de seguridade previstas para este tipo de situacións de alto risco. De forma coordinada co Centro de Xestión do Tráfico da Dirección Xeral de Tráfico (DXT), activáronse os mecanismos necesarios para advertir aos usuarios da vía e evitar unha posible colisión cos vehículos que circulaban correctamente.

O vehículo foi localizado tras sufrir unha saída de vía no punto quilométrico 31 da AG-64, zona de Penapurreira, por unha patrulla de Seguridade Cidadá, presentando os seus condutor síntomas evidentes de atoparse baixo a influencia de bebidas alcohólicas.

 Publicidade

Preme na imaxe para obter máis información do evento.

O condutor foi sometido ás probas de alcoholemia, que lanzaron resultados superiores á taxa máxima legalmente establecida. Ata o lugar desprazáronse patrullas do Destacamento de Tráfico de Ferrol, que procederon a restablecer a normalidade na circulación, así como o Equipo de Investigación de Sinistros Viarios (EIS) de Santiago de Compostela, que asumiu a instrución das dilixencias correspondentes.

A Garda Civil procedeu á investigación desta persoa como presunto autor de 2 delitos contra a seguridade viaria, circular en sentido contrario e conducir baixo a influencia de bebidas alcohólicas.

 Publicidade/DOAZÓN PARA ECOS DA COMARCA

Fai unha doazón para axudar ao xornalistmo independente. Gracias!

A MELLOR TAXA É CERO

A Garda Civil lembra que conducir tras inxerir alcol incrementa de forma moi significativa o risco de sufrir un sinistro viario, reduce a capacidade de reacción e pon en grave perigo a vida do propio condutor e a do resto de usuarios da vía, sendo 0,0 a única taxa segura.

COLABORACION CIDADÁ

A Garda Civil agradece a colaboración cidadá, cuxa chamada ao 112 resultou determinante para activar o dispositivo de seguridade e previr consecuencias potencialmente moi graves.

 A comunicación inmediata de condutas perigosas na estrada pode salvar vidas.

Publicidade

Preme para contactar con nós e pregunta polas tarifas que son unha bicoca!

APLICACIÓN ALERTCOPS

A Garda Civil lembra que existe a aplicación ALERTCOPS. Esta aplicación móbil é un servizo de alertas que permite comunicarse de maneira precisa, gratuíta e rápida coa Forzas e Corpos de Seguridade.