Chega ao seu fin en Arzúa o programa 'O Xardín dos Contos' este xoves

Será cunha sesión de cine familiar con merenda

Laura Moure/Arzúa

O Departamento de Cultura do Concello de Arzúa organiza, dentro da programación cultural do verán, a terceira e derradeira sesión do programa de animación á lectura O Xardín dos Contos cunha sesión de cine familiar con merenda este xoves, 4 de setembro, dirixida especialmente a público infantil.

Despois das funcións levadas a cabo nos meses de verán, a proxección da película Donde viven los monstruos pechará o programa a partir das 18:00 horas na Casa de Correos.

Donde viven los monstruos é unha adaptación dun conto para nenas e nenos de Maurice Sendak. Cando Max, un neno desobediente, é enviado á cama sen cear, sumérxese nun mundo imaxinario creado por él e que está poboado por feroces criaturas que lle obedecen cegamente.

 APOIO AO XORNALISMO PALESTINO

ECOS DA COMARCA APOIA AO XORNALISMO PALESTINO. Preme na imaxe para máis información.

Os nenos e nenas que participen estarán convidados a unha pequena merenda. A entrada será libre e de balde ata completar a capacidade do local.

Publicidade

Preme na imaxe se queres contactar connosco.

O concelleiro de cultura, José Luís García, agradece “ás familias que teñan participado neste programa durante o verán e no resto de actividades dirixidas a público infantil e familiar”. Anima tamén “á participación este xoves para fomentar entre todas e todos a lectura entre o público máis cativo”.