Instalarase no lugar coñecido como “Cova do Espiño”, ao carón da estrada LU-231
Laura Moure/Palas de Rei
Avanzan os traballos de movemento e adecuación dos terreos para a instalacións das naves de cría e sembra de larva de mosca da planta, de ciclo completo, que a empresa Bioflytech asenta en Palas de Rei, tal e como informa o Concello.
Dito proxecto, pioneiro en España, pertencente a Industria 4.0, con tecnoloxía propia e de carácter innovador, vai dirixido a produción de proteína a partir de insectos (moscas).
Dende as diferentes naves desta planta en Palas de Rei, criarase e producirase larva de mosca para convertela en fariña e graxa para destinala á alimentación animal. "Este proxecto supón, unha inversión superior ós 20 millóns de euros e prevé xerar uns 50 postos de traballo directos, na súa primeira fase, que se agarda que estea en funcionamento no vindeiro mes de setembro", lembra o Concello.
Os operarios cun amplo tipo de maquinaria afánase, estos días, nas obras de preparación dunha parcela de 55.000 metros cadrados, no lugar coñecido como “Cova do Espiño”, ao carón da estrada LU-231, no punto qilométrico 13, 486, entre a parroquia de Ferreira e Palas de Rei.
NOTICIA RELACIONADA:
Anuncio da instalación desta empresa: https://www.ecosdacomarca.com/post/palas-contar%C3%A1-cunha-planta-de-colleita-e-cr%C3%ADa-de-larva-de-mosca-destinada-%C3%A1-alimentaci%C3%B3n-animal
