Arzúa organiza unha nova recollida de plásticos agrícolas nas parroquias os días 23, 24 e 25 de marzo

Durante estas tres xornadas, o servizo desprazarase por distintos puntos do municipio seguindo un calendario establecido

Laura Moure/Arzúa

O Concello de Arzúa levara a cabo os vindeiros días 23, 24 e 25 de marzo unha nova recollida de plásticos agrícolas nas parroquias, dentro do servizo municipal de xestión de residuos agrarios, co obxectivo de facilitar a súa correcta xestión e contribuír á protección do medio ambiente no rural.

Foto de arquivo dunha recollida de plásticos agrícolas.

Durante estas tres xornadas, o servizo desprazarase por distintos puntos do municipio seguindo un calendario establecido, co fin de achegar este recurso á veciñanza e favorecer unha xestión máis sostible dos residuos derivados da actividade agraria.

Os horarios establecidos son orientativos e poden variar lixeiramente en función do desenvolvemento da ruta.

Calendario e puntos de recollida

Luns, 23 de marzo

• 9:00 BOENTE, no tramo da estrada antiga, en Boente de abaixo

• 9:30 FIGUEIROA, no Curro

• 10:00 A CASTAÑEDA, no campo da festa

• 10:30 VILANTIME, no campo da festa

• 11:30 MAROXO, no campo da festa

• 12:00 BRANDESO, no campo da festa

• 12:30 VIÑÓS, no campo da festa

• 13:00 TRONCEDA, xunto á escola

• 13:30 DOMBODÁN, no campo da festa

Martes, 24 de marzo

• 9:00 BRANZÁ, xunto á igrexa

• 10:00 PANTIÑOBRE, ao carón da escola

• 11:30 LEMA, no campo da festa

• 12:00 RENDAL, no campo da festa

• 12:30 A MELLA, detrás do Local Social

• 13:30 VILADAVIL, xunto á pista polideportiva

 Publicidade

Preme para obter máis información.

Mércores, 25 de marzo

• 9:00 SANTA MARÍA, no cruce de Seixas

• 9:30 SANTO ESTEVO, xunto á igrexa

• 11:00 SAN MARTIÑO, no campo da festa

• 12:30 OÍNS, ao lado da pista polideportiva

• 13:00 DODRO, xunto á igrexa

• 13:30 BURRES, ao carón da escola

Normas de uso do servizo

Desde o Concello recórdanse as condicións para o correcto uso deste servizo:

• Só se poden depositar plásticos procedentes de silo ou invernadoiros

• Estes non poden introducirse en big-bag

• Prohíbese depositar big-bags, rodas, garrafas de plástico ou outros residuos

 PUBLICIDADE

Preme na imaxe para contactar con nós!

Un servizo municipal ao carón do rural

O concelleiro de Medio Ambiente, Daniel Moscoso, destacou que “este servizo municipal permite achegar solucións prácticas á veciñanza do rural para a xestión dun tipo de residuo que require un tratamento específico”. Así mesmo, sinalou que “o obxectivo é facilitar o día a día das explotacións agrarias e evitar prácticas inadecuadas, ofrecendo alternativas accesibles e organizadas desde o propio Concello”.

Moscoso tamén fixo un chamamento á responsabilidade no uso do servizo, lembrando que “é fundamental respectar as normas establecidas para garantir o seu correcto funcionamento e a súa continuidade”. O Concello de Arzúa agradece a colaboración da veciñanza e anima a facer un uso responsable deste servizo, pensado para facilitar a xestión dos residuos agrícolas e contribuír á conservación do medio ambiente.