Arzúa inicia as obras de ampliación do saneamento en Castañeda cun investimento de 93.358 euros

Laura Moure/Arzúa

O Concello de Arzúa iniciou as obras de ampliación da rede de saneamento na parroquia de Castañeda, unha actuación incluída no Plan Provincial de Cooperación ás Obras e Servizos de Competencia Municipal (POS+ 2025) e que conta cun investimento de 93.358,02 euros.

A intervención permitirá ampliar a rede de saneamento mediante a instalación de novas canalizacións e pozos de rexistro, co obxectivo de mellorar a recollida e condución das augas residuais na zona.

 PUBLICIDADE

Preme na imaxe para obter máis información deste evento.

O proxecto inclúe tamén actuacións para reforzar a drenaxe das augas pluviais, coa instalación de novas canalizacións e arquetas, así como a mellora dun treito do viario mediante a renovación do firme.

PUBLICIDADE

Preme na imaxe para obter máis información do evento.

Ademais, executaranse traballos de limpeza e acondicionamento das gabias para favorecer a drenaxe lonxitudinal e transversal da vía, completarase a sinalización horizontal e instalarase nova sinalización vertical.

 PUBLICIDADE

Preme na imaxe para obter máis información do evento.

Esta actuación forma parte dos investimentos destinados á mellora das infraestruturas e dos servizos municipais nas parroquias do rural, contribuíndo a modernizar a rede de saneamento e a mellorar as condicións do viario.

PUBLICIDADE

Preme na imaxe para obter máis información.

O Concello de Arzúa continuará informando da evolución desta e doutras obras que se están a executar no municipio para manter a veciñanza ao día do seu desenvolvemento.