Arzúa convoca cinco prazas de peón para traballos de limpeza e un auxiliar de biblioteca

A oferta de emprego vai destinada a persoas desempregadas e en risco de exclusión laboral e forma parte Plan de Emprego Local da Deputación da Coruña

Laura Moure/Arzúa

O Concello de Arzúa vén de aprobar unha oferta de emprego temporal dentro do Programa de Integración Laboral que promove a Deputación da Coruña. En concreto trátase, segundo explicou o alcalde de Arzúa, Xoán Xesús Carril, de 5 prazas de peón ou peoa para traballos de limpeza cunha xornada de 25 horas semanais durante un período de 4 meses e dunha praza de Auxiliar de Biblioteca tamén cunha xornada de 25 horas semanais durante 3 meses.

Carril informou tamén de que o prazo para presentar as instancias para concorrer ás prazas deberase facer como moi tarde o próximo venres, 7 de xullo a través da Sede Electrónica do Concello de Arzúa ou presencialmente ante o Rexistro do Concello de Arzúa.

Publicidade

Preme na imaxe para obter máis información do evento.

Ademais, o alcalde dixo que “é unha convocatoria destinada a persoas desempregadas e en risco de exclusión laboral. Trátase de axudar á activación do emprego entre as persoas que actualmente se atopan nunha situación de desemprego, polo que este é, entre outros, un requisito necesario para acceder aos postos”.

Publicidade

Preme na imaxe para obter máis información do evento.

O mandatario insta, por último, ás persoas interesadas a “informarse na páxina web do Concello ou nas propias dependencias municipais dos requisitos necesarios para acceder á convocatoria” ao tempo que animou ás veciñas e veciños que se atopan en situación de desemprego a “participar do proceso selectivo”.

Preme na imaxe se queres contactar connosco.