Amarai celebra o XV Aniversario de apertura do seu Centro de Recursos en Boimorto cunha romaría
- Laura Moure
- hace 40 minutos
- 2 Min. de lectura
A cita será o 18 de abril e actuará Pili Pampín
Laura Moure/Boimorto
A Asociación Amarai (Asociación de Persoas con Discapacidade e Apoio á Integración das Comarcas de Arzúa e Terra de Melide) celebra este ano o 15 aniversario da apertura do seu Centro de Recursos en Boimorto cunha gran Romería popular, A Romería das Sementes, aberta a toda a veciñanza e á contorna. A festa terá lugar o sábado 18 de abril no Campo do Rosario, en Boimorto, e promete converterse nunha xornada de convivencia, música e celebración para todas as idades.
Desde a súa posta en marcha, o Centro de Recursos de Amarai en Boimorto converteuse nun referente de apoio, atención e acompañamento, desenvolvendo un importante labor
social ao longo destes quince anos. Para conmemorar esta traxectoria, a entidade organiza
unha festa pensada para compartir, agradecer e seguir construíndo comunidade.
A programación arrancará cunha sesión vermú protagonizada pola gran Pili Pampín, unha
das voces máis queridas da música popular galega. Tras a actuación, celebrarase o xantar
popular, seguido dunha animada sobremesa amenizada polos Santiaguiños de Boimorto.
Publicidade
A festa continuará pola tarde cun “tardeo” a cargo do recoñecido grupo A Banda da
Balbina, que poñerá ritmo e baile a unha xornada que se agarda multitudinaria.
O evento contará con servizo de bar, carpa, colchoneta para os cativos e un bo feixe de
sorpresas que se irán desvelando nos vindeiros días, garantindo así unha experiencia
completa para familias e grupos de amigos.
PUBLICIDADE
Os tickets para participar no xantar están á venta dende onte, luns 16 de marzo, en distintos comercios dos concellos limítrofes. Dende a Asociación Amarai animan a toda
a cidadanía a sumarse a esta celebración tan especial, que pretende ser un punto de
encontro para recoñecer o camiño percorrido e mirar ao futuro con ilusión compartida.
Comentarios