top of page

Aberto o prazo para participar en 'Xuntos polo Nadal' dirixido a persoas maiores que estean soas

As solicitudes poderán presentarse ata o próximo 8 de decembro e poderán realizarse de xeito online ou presentando a documentación necesaria nos rexistros da Administración autonómica


Ecos da Comarca/Xeral

A Xunta abriu o prazo para participar no programa Xuntos polo Nadal dirixido a maiores de 60 anos que viven sos e non teñen con quen pasar estas datas festivas. Esta nova edición ofrece 270 prazas totalmente gratuítas repartidas nas dúas Residencias de Tempo Libre (RTL) coas que conta a Consellería de Política Social e Xuventude: a do Carballiño e a de Panxón, en Nigrán.


Publicidade

O programa é totalmente gratuíto e inclúe estadías en réxime de pensión completa, actividades para todos os días e desprazamento en autobús desde as distintas cidades galegas. O prazo para presentar as solicitudes remata o vindeiro 8 de decembro e poderá realizarse de xeito online a través do formulario da páxina web da Consellería de Política Social ou presentando a documentación necesaria en calquera dos lugares habilitados como rexistros da Administración autonómica.


Publicidade

Este ano as estadías serán de quince días, desde o 24 de decembro e ata o 7 de xaneiro ambos os dous incluídos. O programa de actividades é variado e está adaptado aos gustos e aos recursos tanto patrimoniais como culturais da zona. Inclúe propostas como actuacións musicais, sesións de cine, bailes, obradoiros, campionatos de cartas, excursións, sesións de risoterapia e de ximnasia entre outras moitas.


0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page