A Xunta e o Concello de Monterroso asinan un convenio de colaboración para humanizar varias rúas

Ecos da Comarca/Monterroso

A Xunta, a través da Axencia de Turismo de Galicia, e o Concello de Monterroso asinaron un convenio de colaboración para executar o proxecto de humanización de sete rúas da localidade. O delegado territorial en Lugo, Javier Arias, e o alcalde de Monterroso, Eloy Pérez, formalizaron onte este acordo que suporá mellorar a mobilidade e a seguridade nos propios viarios e nas súas contornas.

Publicidade

Preme na imaxe para obter máis información do evento.

En concreto, o convenio asinado establece as bases para o financiamento das obras necesarias para a humanización das rúas Álvaro Cunqueiro, avenida do Marco, rúa Xoán Montes, rúa Irmán Xesús, travesía da Feira, rúa da Xesta e rúa San Miguel. En todas elas procederase á reparación e mellora da capa de rodadura e, a maiores e segundo os casos, repintaranse as marcas viarias e colocaranse novas luminarias led.

Publicidade

Preme na imaxe se queres contactar connosco.

Arias puxo en valor estas actuacións “que servirán para adecuar estes espazos públicos e recuperalos como unha área de interacción social, cunhas mellores condicións de seguridade e mobilidade para os seus usuarios, reforzando ao mesmo tempo o atractivo de Monterroso e dándolle pulo ao turismo e o comercio local nestas zonas”.