A veciñanza de Antas de Ulla envía produtos aos afectados pola Dana en Valencia

Foi o Concello de Antas de Ulla o que fixo entrega a Cruz Vermella deste último lote de artigos

Ecos da Comarca/Antas de Ulla

O Concello de Antas de Ulla fixo entrega a Cruz Vermella dun último lote de produtos doados pola veciñanza para as persoas afectadas pola Dana en Valencia.

A veciñanza de Antas doou unha gran cantidade de artículos que non puido ser recollida no momento polas entidades que estaban a facer fronte ao desastre, que comezaron a pedir principalmente doazóns económicas.

Publicidade

Preme na imaxe se queres contactar connosco.

Dende entón, o Concello almacenou os artículos e foi realizando diferentes doazóns ás persoas afectadas a través de diferentes entidades e métodos, sempre que este tipo de axudas foron solicitadas. Agora, Cruz Vermella achegará os produtos deste último lote directamente ás persoas que aínda os precisen na zona afectada.