A lalinense María Rivero mellora a súa posición de clasificación no Campionato de España

Participou nas probas de lanzamento de peso, lanzamento de disco e 80 metros lisos

Ecos da Comarca/Deza

A deportista lalinense María Rivero, atleta do Club Atletismo Deza, competiu esta fin de semana no Campionato de España Sub 14. A deportista clasificouse na proba de Albacete no posto 32, formando parte da lista dos 36 mellores atletas de España desta categoría.

Rivero participou na combinada D, nas probas de lanzamento de disco, lanzamento de peso e 80 metros lisos. Nelas obtivo os seguintes resultados: 21,09 metros; 7,98 metros e 11,92 “.

Publicidade

Preme na imaxe se queres contactar connosco.

Foron grandes marcas para a atleta que conseguiu así escalar postos ata o 29. Dende o Club felicitan á deportista e celebran os resultados, xa que é unha proba de alto nivel “e chegar clasificarse xa é un logro, canto máis mellorar o posto”.