A Garda Civil investiga a un condutor en Fene tras circular a 141 km/h nunha travesía limitada a 50

Ecos da Comarca/Xeral

A Garda Civil, a través de efectivos do Destacamento de Tráfico de Ferrol, procedeu á investigación dun condutor como presunto autor dun delito contra a seguridade viaria detectado no termo municipal de Fene.

Os feitos producíronse durante a madrugada do pasado 17 de abril, aproximadamente ás 00:19 horas, no marco da última campaña especial de vixilancia e control da velocidade desenvolvida pola Dirección Xeral de Tráfico (DXT).

 PUBLICIDADE

Se queres obter máis información do evento preme na imaxe.

O obxectivo do devandito servizo era reducir a sinistralidade asociada á velocidade excesiva. Unha patrulla de servizo, que se atopaba nun punto de verificación de velocidade no quilómetro 4,300 da estrada FE-14, detectou mediante radar a un turismo que circulaba a unha velocidade moi superior á permitida. O vehículo alcanzou o 141 km/h nun tramo de travesía limitado especificamente a 50 km/h.

 PUBLICIDADE

Preme para obter máis información.

Tras interceptar o vehículo de forma inmediata, os axentes procederon á identificación do condutor, un home de 26 anos. Ao tratarse dunha vía urbana e superarse o límite establecido en máis de 60 km/h, a velocidade detectada supera o limiar penal tipificado para este tipo de vías. As dilixencias instruídas polo suposto delito contra a seguridade viaria foron remitidas ao Tribunal de Instancia de Guardia de Ferrol.