A Garda Civil detén a un veciño da Estrada por un presunto delito de incendio forestal

Ecos da Comarca/Xeral

A Garda Civil da Estrada detén a un veciño da localidade, de 49 anos, con antecedentes policiais, como suposto autor dun delito de incendio forestal. Os feitos ocorreron o pasado día 25 á 1:30 horas da madrugada, cando se recibe un aviso na central COC da comandancia de que unha testemuña chamou dicindo que hai un home que vai prendendo lume pola estrada.

A patrulla diríxese ao lugar e atopa un contedor de lixo completamente calcinado, e un pouco máis adiante, en dirección á praia fluvial de Liñares (A Estrada), un incendio forestal nunha marxe da vía.

 PUBLICIDADE

Preme na imaxe para obter máis información do evento.

Desprázanse ao lugar unha brigada de extinción de incendios, dúas motobombas e 2 axentes forestais que logran extinguir o incendio sobre as 03:00 horas. Durante este tempo a patrulla percorre as inmediacións e pistas sen atopar a ninguén, ata que a uns 200 metros do incendio localizan a unha persoa que coincide coa descrición do suposto autor dos feitos, atopábase aniñado, durmindo e ao seu lado unha bolsa plástica con bebidas alcohólicas e sete chisqueiros entre as súas pertenzas, polo que se procede á súa detención e traslado a dependencias oficiais.

PUBLICIDADE

Preme na imaxe se queres contactar connosco.

As dilixencias, xunto co detido foron presentados no Xulgado número UNO da Estrada, que decretou a súa liberdade con cargos.