A Garda Civil detivo ao responsable do roubo de imaxes relixiosas na Capela de Santa Rita de Boiro

O detido actuaba baixo a aparencia dun peón dunha empresa de obras e servizos

Ecos da Comarca/Xeral

A Garda Civil de Boiro detivo ao presunto autor da subtracción, en dúas ocasións, de imaxes relixiosas da capela de Santa Rita de Puente Beluso en Boiro, así como doutros obxectos de culto.

Publicidade

Preme na imaxe para obter máis información do evento.

A investigación, levada a cabo por efectivos do Posto Principal da Garda Civil de Boiro, permitiu identificar e deter ao responsable, un veciño da localidade de Lousame (A Coruña), quen actuaba baixo a aparencia dun operario dunha empresa de obras e servizos.

Publicidade    

Preme na imaxe se queres contactar connosco.

Os feitos investigados ocorreron en novembro de 2024 e xaneiro de 2025. En ambas as ocasións, o detido accedeu á capela en horario nocturno, vestindo roupa de traballo reflector para simular ser un traballador dunha empresa próxima, co obxectivo de non levantar sospeitas ante posibles testemuñas.

Grazas ás pescudas realizadas, logrouse recuperar os obxectos subtraídos: dúas imaxes da Virxe Santa Rita, un cadro dun Cristo e un rosario. Estes elementos, doados por fregueses e devotos da parroquia, teñen un alto valor simbólico e sentimental para os veciños.

O detido enfronta cargos por dous delitos contra o Patrimonio e a Orde Socioeconómica (roubo e furto). As dilixencias foron postas ao dispor do Xulgado de Primeira Instancia e Instrución de Garda de Ribeira (A Coruña).