A Festa de Nadal xunta no Pino a máis de 200 persoas na Casa da Cultura

Reviravolta de Lardeiros puxo a música e presentou á nova xeración de pandeireteiras

Laura Moure/O Pino

Máis de 200 persoas gozaron o pasado sábado na Festa de Nadal do Pino, na que a cativada preparou adornos de Nadal nos obradoiros que se celebraron na Casa da

Cultura, a onde se trasladou a festa polo mal tempo. Houbo chocolate con churros e

música coa Agrupación Folclórica Reviravolta de Lardeiros.

Dende primeira hora, a cativada estivo preparando os adornos de Nadal nos obradoiros

para decorar as súas casas, sacando fotos na zorra de Papá Noel e, algúns, deixaron as

cartas na caixa de correos que estaba na entrada do edificio. Despois de varias horas de intenso traballo, puideron repoñer forzas cun chocolate quente con churros, que se repartiron entre todas as persoas asistentes.

 Publicidade

Preme na imaxe para obter máis información.

A Agrupación Folclórica Reviravolta de Lardeiros achegouse para poñer música e animar

unha festa moi concorrida. Durante a actuación presentaron ao novo grupo de pandeireteiras, que garante a continuación da afección pola música tradicional no

municipio do Pino.

Durante a festa, moitas das persoas asistentes louvaron a calidade dos cadros que pintaron os nenos e nenas do Pino que acoden ao taller ImaginArte, que imparte a veciña Alejandra Rebollo Audiffred. A exposición con estas obras pode verse na entrada do centro.

Publicidade

Preme para contactar con nós e pregunta polas tarifas que son unha bicoca!

A concelleira de Cultura, Eva Varela, destacou a “elevada participación na Festa de Nadal”

e animou a “mocidade a seguir apostando pola música tradicional como fan estas novas

pandeireteiras de Reviravolta”.