A conselleira de Medio Rural visita a gandaría de leite Casal Vilar de Touro

Esta explotación foi beneficiaria das axudas do seu departamento para fomentar a utilización de maquinaria agrícola en réxime asociativo

Laura Moure/Touro

A conselleira do Medio Rural, María José Gómez, puxo onte en valor as axudas do seu departamento para fomentar a utilización de maquinaria agrícola en réxime asociativo e lembrou que nas dúas últimas convocatorias destas achegas, realizadas en 2025, resultaron beneficiarias un total de 61 cooperativas e sociedades agrarias de transformación, cun importe conxunto de seis millóns de euros. A conselleira, acompañada polo director xeral de Gandaría, Agricultura e Industrias Agroalimentarias, José Balseiros, e polo alcalde de Touro, Jesús Reboredo, realizou unha visita á gandaría de leite Casal Vilar, situada no concello de Touro e que foi beneficiaria destas achegas.

Esta explotación é unha das de maior tamaño da Cooperativa de Utilización de Maquinaria Agrícola (CUMA) Brandelos, que tamén recibiu apoio a través da devandita liña de axudas.

Así, esta CUMA beneficiouse de máis de 790.000 euros nos últimos anos ao abeiro destas

subvencións que, tal e como explicou a conselleira, contribúen de xeito moi destacado a

reducir os custos e a carga de traballo nas explotacións, incrementar a seguridade dos

usuarios e favorecer o aforro e a eficiencia enerxética. Ademais, Gómez destacou que

estas axudas poden chegar a financiar ata un 50 % dos custos da maquinaria, polo que

teñen unha gran utilidade para os beneficiarios.

 PUBLICIDADE

Preme na imaxe para obter máis información deste evento.

En particular, a CUMA Brandelos está conformada por nove explotacións que manexan

máis de 730 hectáreas de superficie, contan con máis de 2.500 cabezas de gando e

producen anualmente preto de 18 millóns de quilos de leite.

Importancia das cooperativas no rural

Neste sentido, a conselleira valorou tamén a importancia que teñen para o tecido asociativo do rural as cooperativas e as sociedades agrarias de transformación, que inciden -remarcou- na mellora da competitividade do sector primario en xeral e máis en concreto do lácteo. Por iso, sinalou que na Xunta “estamos comprometidos en apoiar estas

entidades”, algo que se fai de diversas formas e entre elas unha das máis salientables son estas axudas.

 PUBLICIDADE

Preme na imaxe para contactar connosco.

Por outra parte, Gómez sinalou tamén nesta visita a relevancia que ten a incorporación das mulleres ao liderado de proxectos no agro galego, tendo en conta que esta cooperativa “é un verdadeiro exemplo” neste sentido, cun 60 % de mulleres socias.

Asemade, reafirmou o compromiso da Xunta para seguir impulsando políticas con esta perspectiva, “para que cada vez sexan máis as mulleres nos postos de toma de decisións

do noso rural”.