A caída dunha árbore sobre unha furgoneta provoca un ferido na A-55 ao seu paso polo Porriño

Ecos da Comarca/Xeral

Pasadas as 9:40 horas, un particular alertou ao 112 Galicia da caída dunha árbore sobre unha furgoneta que circulaba polo quilómetro 22 da A-55, á altura da parroquia porriñesa de Budiño, en sentido Tui. Como consecuencia do impacto, o condutor precisou asistencia sanitaria.

Os Bombeiros do Porriño desprazáronse de inmediato ao lugar e confirmaron que a árbore interrompía a circulación na vía.

Nestes momentos, os servizos de emerxencias continúan traballando na retirada da árbore e na normalización do tráfico.

 Publicidade/DOAZÓN PARA ECOS DA COMARCA

No operativo participan, ademais dos bombeiros, Urxencias Sanitarias de Galicia-061, a Garda Civil de Tráfico, os voluntarios de Protección Civil do Porriño e os servizos de mantemento da autovía.

 Publicidade

Preme na imaxe para obter máis información.

ACTUALIZACIÓN: A árbore xa foi retirada polos bombeiros e o tráfico atópase restablecido.

Publicidade

Preme para contactar con nós e pregunta polas tarifas que son unha bicoca!