top of page

A candidata socialista de Lalín, Alba Forno, esixe a paralización da Gran Praza antes das eleccións

E pídelle ao alcalde do municipio, José Crespo, que "deixe de hipotecar á veciñanza"


Ecos da Comarca/Lalín

A Gran Praza era unha das promesas electorais deste Goberno, mais dende o PSdeG-

PSOE de Lalín consideran que non se pode dar comezo a este proxecto a catro meses das

eleccións, mercando as vivendas desa zona e hipotecando á veciñanza. “Este é un

proxecto de grande envergadura e consideramos que, en lugar de ler na prensa como

está todo o proceso, debería haber convocado aos voceiros para tratar este tema, que si

é relevante para a veciñanza e que implica unha grande inversión por parte do Concello”,

indica a concelleira e candidata á Alcaldía, Alba Forno, e lémbralle que si reciben

chamadas ou avisos para temas menores.

Dende a bancada socialista indican que o Concello parece unha inmobiliaria mercando

vivendas privadas, “sen criterio e sen proxecto firme, como sucedeu coa de Don Álvaro” e

engade que “neste caso estas vivendas, que representan parte da historia de Lalín, serán

derrubadas. Parece que o PP quere fulminar co pasado histórico de Lalín”, destaca Forno.

No mesmo sentido, mostra preocupación polo que quere facer co Casino, “un edificio con

valor histórico e que segue sendo un punto clave no centro da nosa vila. Fala de que a

sede a trasladaría a un edificio que construirá onda o palco da música da Praza da Vila”;

prefire derribar a historia de Lalín e un dos edificios máis emblemáticas que temos no

casco urbano, en lugar de conservalo e potencialo”.


A candidata á Alcaldía resalta que con Crespo sempre volven as hipotecas e os impostos,

“pero non pode agora, a catro meses das eleccións, decidir investir millóns de euros na

compra de vivendas privadas, cando hai outras necesidades sen cubrir máis urxentes

coma o saneamento integral do rural, SAF ou un servizo de conciliación en condicións,

entre outros moitos”. Por iso, dende o PSOE de Lalín solicitan que se paralicen estes

trámites ata que pasen as eleccións, xa que é un proxecto que suporá un gasto de máis

de 8 millóns de euros en total, tendo en conta que haberá que urbanizar, deseñar un

proxecto atractivo e todo o demais.

“Sabemos que o seu modelo de vila é mercar casas coma se fose unha inmobiliaria", afirma Forno

“Sabemos que o seu modelo de vila é mercar casas coma se fose unha inmobiliaria e logo

meter os coches pasando por esas zonas, algo incoherente e insólito”, resalta Forno e

puntualiza que “isto vai supoñer hipotecar á veciñanza, unha vez máis, por un proxecto

faraónico de Crespo e logo veremos a repercusión con subida de impostos ou carencias

noutras áreas”.


Ante esta situación, os socialistas pediron acceso a toda a documentación relativa a este

proxecto, que meteron por rexistro na mañá de onte. Indican que seguirán co seu

proxecto de reformar a Praza e humanizar a Rúa X, “pero respectando o patrimonio da

zona e as vivendas privadas que se encontran nesta área e que forman parte da paisaxe.

Consideramos que é unha barbaridade tirar eses edificios que son parte da Praza da

Igrexa e da historia de Lalín”.


Forno conclúe afirmando que o modelo de vila de Crespo, "no que as persoas non teñen

prioridade e que se centra en hipotecar á veciñanza", non pode seguir. “Non pode

continuar co despilfarro de cartos públicos en obras que se centran en derribar a historia

de Lalín e sen un proxecto claro. Non podemos permitir que se tiren os cartos nos

caprichos de Crespo, que logo repercutirán nos petos da nosa veciñanza”.


Acto o venres

Por outra banda, este venres, 3 de febreiro, o PSOE de Lalín celebra un acto ao que acudirá a presidenta da Deputación de Pontevedra, Carmela Silva, para debatir sobre o modelo de vila. Intervirán Forno e a presidenta e estará moderado pola eurodeputado socialista e de Lalín Nicolás González Casares. Será ás 20:30 horas no Café Camilo, de Lalín.


NOTICIA RELACIONADA:

0 comentarios

コメント


IRS.gif
Copia de ¡TU Anuncio!.gif
Ecos_da_Comarca_neg.png
bottom of page