41 ovellas mortas e ao menos seis feridas en Monterroso
Ecos da Comarca/Monterroso
Un gandeiro de Monterroso perdeu xa 41 das súas ovellas e cre que nos vindeiros días poden ser máis xa que foron atacadas e algunhas delas quedaron feridas. Todo apunta a que foi unha manada de lobos. O suceso ocorreu esta semana no lugar de Tarrío, na parroquia de Novelúa.
Publicidade
Onte eran 32 as ovellas mortas, pero hoxe como confirmou ao este medio o propio afectado, xa son 41 as falecidas. "Seis están feridas coa traquea perforada e penso que aínda irán aparecendo máis", lamenta.
Publicidade
As ovellas foron aparecendo mortas pola aldea adiante. "Vimos a un quilómetro do lugar a tres lobos comendo unha das que escapou", sinala o dono, que tiña uns 160 animais.
Publicidade
Ademais do disgusto, as perdas son cuantiosas. "Contando que estaban xestantes a maioría e os cordeiros ían ser vendidos en Nadal, as perdas están nuns 20.000 euros", indica o afectado.
