FESTIVAL MUSICAL INTERCULTURAL DA XUVENTUDE E FEIRA DA TROITA DE SOBRADO

O XVIII Festival Musical Intercultural da Xuventude de Sobrado dos Monxes celebrarase o vindeiro sábado 10 de agosto, que será a antesala da XXIII Feira da Troita, que terá lugar o domingo 11 dese mesmo mes.

"Logo de rematar a "Corretroita" quentaremos motores na Praza do Concello coa música de Los Alcántara a partir das 20:30 horas. Ás 22:30 horas cambiaremos de ubicación. Dirixirémonos á Explanada do Pavillón Polideportivo Municipal. The Nunzia´s primeiro e os valenciáns Seguridad Social de seguido, vivirán de primeira man o que significa tocar para o sempre entregado público de Sobrado", destaca o Concello.

A discoteca WILL poñerá fin a unha noite moi especial, antesala do que será a XXIII Edición da Feira da Troita. Estas citas están organizadas polo Concello de Sobrado en colaboración coa Deputación da Coruña.

Cartel completo da Feira da Troita no enlace: https://www.ecosdacomarca.com/post/sobrado-celebra-o-xviii-festival-musical-intercultural-da-xuventude-e-a-xxiii-feira-da-troita-os-d%C3%ADa