Está dirixido a nenos e nenas de 6 a 14 anos e celebrarase nas instalacións do campo municipal da Gandareira
Laura Moure/Silleda
O DeporCampus Cabreiroá volta este verán a Silleda. As actividades organizadas pola Fundación R.C Deportivo da Coruña terán lugar do 10 ao 14 de xullo próximos para os nenos e nenas de 6 a 14 anos.
Este xoves tivo lugar no Concello de Silleda a presentación desta nova edición, despois do grande éxito das campañas anteriores. As actividades terán lugar de 09:00 a 14:00 horas no campo municipal da Gandareira, na Bandeira, logo de realizarse o pasado ano en Outeiriño.
No acto participaron o alcalde en funcións, Manuel Cuíña Fernández, alcalde de Silleda, a concelleira de Deportes en funcións, Mónica González, e Pablo Barros, director das actividades formativas da Fundación RC Deportivo.
As inscricións están xa abertas ata o 5 de xullo ás 12:00 horas e deben realizarse a través da web deporcampus.rcdeportivo.es Toda a información, prezos e inscricións están dispoñibles no enlace http://deporcampus.rcdeportivo.es/es/silleda-2023/inicio
Para calquera dúbida ou aclaración pódese contactar directamente ca organización no enderezo deporcampus@rcdeportivo.es
Dende o Concello de Silleda o alcalde e a concelleira agradeceron á Fundación R.C Deportivo que sigan apostando pola localidade para celebrar este campus, que sigue sumando nenos e nenas en cada edición.
