O alcalde do municipio pedirá explicacións ao organismo responsable que puxo esta sinal sen previo aviso na Rúa Nova e alerta de que con esta cambia a preferencia de paso
Laura Moure/Antas de Ulla
O alcalde de Antas de Ulla, Javier Varela, alertaba onte a través das redes sociais dunha nova sinal que foi instalada, segundo o mandatario, sen previo aviso, na Rúa Nova, algo que chamou a atención de máis dun veciño.
"Ollo. Moitísimo coidado. Dun día para outro e sen previo aviso, apareceu un sinal de STOP na Rúa Nova, na súa confluencia coa Rúa Rodeiro, cambiando a preferencia de paso na que levabamos ao menos anos", advirte o rexedor.
Traspaso da rúa Rodeiro
"O luns pediremos explicacións ao organismo responsable deste, como mínimo, imprudente cambio. A experiencia dos últimos anos augura unha resposta, se a houbera, pouco convincente, polo que, ao mesmo tempo, solicitaremos se lle traspase ao Concello a titularidade da Rúa Rodeiro, para poder arranxala, humanizala como é debido e traballar sobre o noso. O dito, o máis importante é ter moita prudencia na intersección estes días".
Comments