top of page

Un condutor perde a vida en Betanzos tras unha colisión cun camión

Ecos da Comarca/Xeral

Un condutor perde a vida en Betanzos tras unha colisión cun camión. A consecuencia do impacto, tamén resultou ferido o condutor do camión. Segundo a información recollida no 112 Galicia, o accidente produciuse pasadas as nove desta mañá na N-VI, no punto quilométrico 574, ao paso por Betanzos.

Foto de arquivo.

Foi unha persoa particular quen alertou a través do número único europeo de atención ás emerxencias. Indicou que chocaran un turismo e un camión, e que o impacto provocara danos importantes no turismo. De feito, a vítima estaba atrapada.


Publicidade

Deste xeito, pediuse a colaboración dos Bombeiros de Betanzos, así como dos voluntarios de Protección Civil e dos axentes da Garda Civil de Tráfico e da Policía Local. De igual modo, solicitouse a intervención dos equipos de limpeza e mantemento da vía co fin de restablecer as condicións de seguridade.


Publicidade

Tras realizar as xestións pertinentes, os axentes de seguridade confirmaron que o falecido era o único ocupante do vehículo, e que os profesionais de Urxencias Sanitarias de Galicia-061 nada puideron facer por el. A vítima é un home de 61 anos, veciño de Irixoa.


Arestora, os Bombeiros de Betanzos agardan instruccións para poder liberar o corpo. 



0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page