Reclaman unha liña de autobús que conecte Lalín con Ourense polas mañás en horario lectivo e laboral

Laura Moure/Deza

Lanzan unha petición para reclamar unha liña de autobús que conecte Lalín con Ourense polas mañás en horarios lectivos e laborais. Para iso elaboraron un formulario para que todas aquelas persoas, sexan estudantes, traballadores, etc..., reclamen este dereito por esta vía.

"Doutro xeito, se tes vivenda en Ourense (caso de moitos estudantes) sería de bo gusto que cubriras este formulario para axudar aos que teñen que utilizar outros medios coma o coche compartido tódolos días. Comparta este formulario a todos os estudantes e traballadores que o precisen ou que se queiran anotar para axudar aos demais. Graciñas de antemán!", reza a petición.

Preme na imaxe se queres contactar connosco!

O formulario pode cubrirse no seguinte enlace: https://docs.google.com/forms/d/e/1FAIpQLSexHbxJw0ikj0_C0feEZJI418YIAkC6i81Dq3I45M0TkWhHTQ/viewform