Ecos da Comarca/Santiso
Onte, martes, pola tarde, sobre ás 20 horas, orixinouse un incendio nunha cheminea dunha casa do municipio de Santiso, que se reavivou esta mañá.
Tal e como informa o 112 Galicia, este mércores recibiron pasados uns minutos das 8:00 horas un aviso para indicar que volvía a reactivarse o incendio que se iniciara a tarde anterior nunha vivenda do lugar de Barazón Grande, na parroquia de Barazón.
"Indicáronos que volvera coller calor parte do tellado". Por iso mobilizaron aos Bombeiros de Arzúa e á Garda Civil. "Despois xa nos informaron que fora unha viga que estaba preto da cheminea, pero tanto onte como hoxe non houbo persoas afectadas", apunta o 112 Galicia.
