Os asistentes deberán confirmar a súa asistencia previamente
Laura Moure/Palas de Rei
Logo de tres anos sen celebración dos maiores, motivada pola situación da pandemia do Covid-19, o Concello de Palas de Rei retoma este ano, a festa dos maiores.

Os máis 1.200 habitantes, maiores de 65 anos, de Palas de Rei están convocados a dita celebración que terá lugar o vindeiro sábado, 1 de abril, nas instalacións do Pavillón Polideportivo Municipal dos Chacotes.
A celebración arrancará ás 13:00 horas cunha misa solenme que se oficiará no campo de fútbol, para logo, nas instalacións cubertas do pavillón celebrarse, ás 14:30 horas, o xantar de confraternización e de cara ás 17:00 horas, o baile tradicional.
No transcurso da celebración dos maiores, tamén, se fará un recoñecemento especial para a muller e para o home con máis idade presente na festa.
Os asistentes, só teñen que confirmar asistencia nas dependencias do Concello ou chamando ao teléfono 982 38 00 01.
Comentários