top of page

Os veciños dun edificio en Oza-Cesuras protéxense dun incendio no restaurante inferior ao instalar panos húmidos nas portas

Ecos da Comarca/Xeral

Os veciños dun edificio en Oza-Cesuras protéxense dun incendio no restaurante inferior ao instalar panos húmidos nas portas. Os ocupantes das vivendas superiores deberon buscar un aloxamento alternativo durante a noite debido á alta concentración de monóxido, provocada polo incendio nas cociñas do restaurante do baixo.


Ademais, unha persoa, a quen os equipos de extinción sacaron do portal do edificio, recibiu asistencia médica no mesmo lugar sen que fose necesario o seu traslado. Mentres, os demais ocupantes do pisos deberon permanecer nas súas casas confinados debido ao intenso fume acumulado nas escaleiras do edificio. Para protexerse, instalaron panos húmidos nas portas e alí agardaron a que mellorasen as condicións para saír.

Foto de arquivo.

Así, por recomendación dos equipos de emerxencias, e debido á alta concentración de monóxido, optaron por un aloxamento alternativo durante a noite. Só unha familia do terceiro andar permaneceu na súa casa.


Todo comezou ás dez da noite pasada. Varias chamadas ao 112 Galicia alertaban dun incendio nun restaurante situado na Rúa do Castiñeiro, en Oza-Cesuras. O lume iniciouse na cheminea da parrilla e o fume empezou a estenderse polas zonas comúns do edificio. A xente que estaba nos pisos superiores telefonaron con urxencia ao 112 Galicia, pois saír das súas casas era imposible. 


Publicidade


Con esta información, os Bombeiros de Betanzos e os membros do GES de Curtis organizaron o traballo de maneira que os veciños e veciñas dos pisos quedaron confinados nas súas casas e protexéronse instalando panos húmidos nas portas. No portal había unha persoa, que conseguiron sacar, e que foi atendida por un equipo de Urxencias Sanitarias de Galicia-061, pero sen necesidade de traslado.


Arredor dunha hora máis tarde, os bombeiros e membros do Grupo de Emerxencias Supramunicipal tiñan o lume sufocado. Despois, procederon a ventilar o restaurante e as zonas comúns do inmoble, e agardaron a chegada dos técnicos da empresa subministradora dos servizos principais de electricidade e gas, que foron interrompidos mentres duraron os traballos da extinción.


Publicidade

Aínda con todo, unha vez realizadas as medicións correspondentes, comprobaron que os niveis de monóxido seguían sendo altos, polo que recomendaron ás familias pasar a noite fóra das súas casas. Só permaneceu unha familia no terceiro andar.


En canto aos danos, tanto o restaurante, as zonas comúns e mesmo unha funeraria no semisoto sufriron danos, ben fose polo lume, polo fume ou ben polas augas da extinción.

Ademais de bombeiros e sanitarios, neste operativo participaron axentes da Garda Civil e persoal do Concello de Oza-Cesuras.



0 comentarios

コメント


IRS.gif
Copia de ¡TU Anuncio!.gif
Ecos_da_Comarca_neg.png
bottom of page