Os 17 concellos da comarca de Arzúa, Deza, Terra de Melide e A Ulloa suman 3.130 parados en novembro

Son 121desempregados máis con respecto ao mes pasado

LauraMoure/IsmaelRS/Xeral

Os 17 municipios das comarcas de Arzúa, Deza, Terra de Melide e A Ulloa sumaron en total en novembro 3.130 desempregados tal e como informou este xoves a Consellería de Emprego. Isto significa que son 121 máis con respecto a setembro que eran 3.009.

Na comarca de Arzúa son 592 parados en total; na dezá, 1.673, na de Terra de Melide, 511 e na da Ulloa, 354 desempregados, polo que houbo un aumento de persoas que quedaron sen traballo nas catro comarcas.

O paro aumenta en dez municipios. A alza é maior en Melide con 33 desempregados máis e séguelle Palas de Rei (+22), Lalín (+26), Arzúa (+20) e Touro (+18) e no resto de municipios a subida é de menos da decena.

Mentres descende en catro concellos: Silleda con sete parados menos e en Rodeiro, Vila de Cruces e Santiso baixa en dúas persoas respectivamente.