top of page

O PP cruceño valora a proposta de implantar un Ciclo Superior en Enerxías Renovables no instituto

"Co fin de acadar unha formación profesional de calidade que aporte produtividade, innovación e competitividade, ó mesmo tempo que posibilite a inserción e consolidación do alumnado no ámbito laboral", recalca


Ecos da Comarca/Vila de Cruces

O Partido Popular de Vila de Cruces mantivo unha reunión coa dirección do

IES Marco do Camballón para estudiar a proposta dun Ciclo Superior en Enerxías

Renovables, "co fin de acadar unha formación profesional de calidade que aporte

produtividade, innovación e competitividade, ó mesmo tempo que posibilite a inserción

e consolidación do alumnado no ámbito laboral".

"Cremos que a mellor inversión está na educación das novas xeracións, por iso, propoñémoslle ó actual goberno local que contemple este proxecto, apoiando

economicamente esta inversión para a implantación do mencionado ciclo superior, realizando as adaptacións oportunas do edificio. Cremos que, a partida de diñeiro

destinada para Vila de Cruces dentro do Programa ReacPon, podería ir mellor invertida na adaptación dun baixo do que dispón o instituto, permitindo a construción de futuras aulas e talleres de formación", sinala o PP.

Exemplo disto, explica, "foi o noso goberno que, xunto co esforzo das administracións e do

equipo directivo do IES Marco do Camballón, realizamos as inversións necesarias para

conseguir os actuais ciclos de Soldadura e Atención de persoas en situación de

dependencia. O noso obxectivo radica en xerar unha planificación formativa que dea resposta á rápida evolución de cada sector, ofrecendo ás empresas persoal cualificado para facer a economía galega máis competitiva, redundando nun aumento do emprego, así como un mellor futuro para os mozos e mozas sen ter que desprazarse a outros lugares; isto levaría a que moita xuventude tivera a oportunidade de formarse neste ciclo aquí en

Vila de Cruces".


Así mesmp, o PP apunta que "recordámoslle ó actual equipo de desgoberno que se queremos ter futuro, primeiro hai que ter formación e, non apoiar isto, sería un incumprimento máis do seu programa electoral. Desde o Partido Popular, queremos que Vila de Cruces siga sendo sinónimo de prestixio, referencia e utilidade. É por iso que, nos comprometemos a apoiar totalmente ó actual goberno local para conseguir este importante logro, se é que realmente quere facer algo. Agradecémoslle á comunidade educativa por esta aposta acertada, así como a súa implicación coa formación das novas xeracións".




0 comentarios

Commentaires


IRS.gif
Copia de ¡TU Anuncio!.gif
Ecos_da_Comarca_neg.png
bottom of page