Laura Moure/Vila de Cruces
O pasado domingo, o alcalde de Vila de Cruces, Luis Taboada, e a concelleira de Facenda, Mireya Otero, estiveron con membros da Asociación Río de Toiriz nunha visita a O Abeseiro co propósito de avanzar na planificación e estudo dun ambicioso proxecto que será remitido á Xunta de Galicia: a creación dunha nova área de lecer en Toiriz.
A visita a O Abeseiro marcou un fito importante nos esforzos do grupo de Goberno de Vila de Cruces por mellorar a calidade de vida dos seus habitantes e visitantes, así como por fomentar o turismo na rexión. A delegación estivo acompañada por membros activos da Asociación Río de Toiriz, quen desempeñaron un papel fundamental na concepción e desenvolvemento desta iniciativa.
Publicidade
Taboada expresou o seu entusiasmo polo proxecto. "Esta nova área de lecer en Toiriz será un valioso recurso para a nosa comunidade, proporcionando un espazo de encontro e recreo ao aire libre para todas as idades. Estamos comprometidos en seguir traballando en colaboración coa nosa cidadanía e asociacións locais para facer realidade este proxecto".
Pola súa banda, a concelleira destacou a importancia da cooperación entre o Goberno Municipal e a sociedade civil: "A participación activa da Asociación Río de Toiriz e a comunidade en xeral é esencial para o éxito deste proxecto. Xuntos, estamos construíndo un futuro máis próspero e atractivo para Vila de Cruces".
Publicidade
O proxecto da nova área de lecer en Toiriz busca proporcionar un espazo de esparexemento que incluirá áreas verdes, zonas de xogos para nenos, instalacións deportivas, así como infraestrutura para a realización de eventos culturais e sociais. Ademais, contempla o respecto e conservación do entorno natural da zona. O goberno local está comprometido co desenvolvemento sostible e a mellora da calidade de vida dos seus cidadáns. "Esperase que a iniciativa sexa remitida á Xunta de Galicia en breve, co obxectivo de obter o respaldo necesario para levar a cabo este proxecto que beneficiará a toda a comunidade", recalcan.
